«Прогрессивті
геотехникалық конструкцияларды және оларды құрылысқа дайындау технологияларын
әзірлеу» жобасын іске асыру аясында
(жетекшісі: И.И. Бекбасаров, т.ғ.д., профессор) мынадай нәтижелер алынды:
– қағылмалы қадалардың бетонын дайындау үшін әртүрлі фибралы талшықтардың
(шыны талшықты, полипропиленді, базальтты, болат анкерлі, болат арқанды, металл
жоңқалы) техникалық сипаттамаларын салыстырмалы бағалау орындалды;
– фибробетонның оңтайлы құрамы таңдалды және өлшемдері 100×100×100 мм
стандартты үлгілер (текшелер) әзірленді;
– фибробетон үлгілерін статикалық (қысу) және динамикалық (соққылы)
жүктемелердің әсеріне сынау жүргізілді;
– талшықты бетон қадаларының технологиясы жасалды, соның негізінде
талшықты бетон қадаларының ауқымды модельдері әзірленді.
Фибробетонды қадалардың үлгілерін сынау үшін «ҚазҚСҒЗИ» АҚ ОҚФ (Тараз қ.)
өндірістік базасында тәжірибелік сынақ полигоны құрылды. Далалық жағдайларда
қадалардың үлгілерін қағуға және статикалық сынауға мүмкіндік беретін кешенді
сынақ қондырғысы жасалды.
«Табиғи байытқыштар негізінде функционалдық мақсаттағы нан, нан-тоқаш және ұнды кондитерлік өнімдердің технологиясын әзірлеу» жобасы бойынша (жетекшісі: Иванникова Н.В., магистр) мынадай нәтижелер алынды:
– жүгері мен қарақұмық ұнынан, киноа дәнінен жасалған ұннан және олардың әртүрлі
пайыздық композиттік қоспасынан жасалған ұндардан салмасыз және салмасы бар глютенсіз
маффиндердің (кекстердің) рецептурасы дайындалды. Жүгері кекстерінің салмасы –
иран және түркі халықтарының мерекелік тағамы – сумаляк технологиясы бойынша
дайындалған қоспа. Осындай ерекше комбинаторика арқасында бидай ақуызының
болмауына байланысты және оның пайдасы мен гипоаллергендігі тұрғысынан бұл өнімді
тартымды етеді;
– аглютенді маффиндер өндірісінде рецептуралық-компоненттік шешімдер
негізделген;
– қосылатын глютенсіз шикізаттың ұн мен қамырдың сапалық сипаттамаларына
әсері анықталды;
– қамыр мен дайын өнімнің реологиялық сипаттамаларын анықтау бойынша
сынақтар жүргізілді;
– йогурт пен ешкі сүті негізінде жасалған сүтті-жемісті десерттің рецептурасы
әзірленді;
– сүтті-жемісті десерттің желе тәрізді негізінің құрылымын бағалаудың
объективті әдістері әзірленді және олардың сенсорлық талдауы жасалды.
«Таблеттелген «Жент» ұлттық өнімін өндірудің технологиялық схемасын әзірлеу» жобасын іске асыру аясында (жетекшісі: Маликтаева П.М., т.ғ.к., қауымдастырылған профессор):
– тары талқанының кернеулерін жабық көлемде релаксациялау ерекшеліктері
зерттелді;
– осьтік статикалық жүктеме кезінде тары талқанының механикалық
параметрлері анықталды;
– ұлттық өнімінің оңтайлы дәрумендік және минералдық құрамы бар күрделі
композициялық қоспасының рецептурасы жасалды.
«Кальций, магний және барий сульфаттарын қолдану негізінде тұтқырлық қасиеттерін арттыру үшін құрылыс ерітінділерінің химиялық құрамын зерттеу» жобасы бойынша (жетекшісі: Садиева Х.Р., т.ғ.к., доцент) мынадай нәтижелер алынды:
– рентгенофазалық және спектрлік әдістермен Жамбыл облысы Шығанақ кен
орнының барит кенінің химиялық құрамына талдау жасалды, барит кенінің
құрамындағы барий сульфатының мөлшері 60% дейін жететіні анықталды;
– барит кенінен барий, кальций және магний сульфаттарын алу технологиясы
әзірленді және оны іске асырудың принциптік сұлбасы дайындалды;
– барий сульфаты бар стандартты бетон текшелерінің үлгілері жасалды және
олардың статикалық сынақтары жүргізілді, барит бетон үлгілерінің қысу беріктігі
27,27-29,11 МПа құрағаны анықталды.
«Мұнай ұңғымаларына арналған тампонаждық материалдар мен бұрғылау ерітінділерінің қасиеттерін зерттеу» жобасы бойынша (жетекшісі: Қабдушев А.А., PhD):
– қажетті
құрал-қондырғылармен жабдықталған «Мұнай ұңғымаларына арналған тампонаждық
материалдар мен бұрғылау ерітінділерінің қасиеттерін зерттеу» зертханасы
ашылды;
– газды бұзу бойынша тампонаждық
ерітінділерді зерттеуге арналған қондырғы әзірленді (№1 зертханалық акт);
– ГОСТ 1581-2019 және
ГОСТ 34532-2019 «Тампонажды цемент. Сынау әдістері» талаптарына сәйкес цемент
ерітінділерінің технологиялық қасиеттеріне күшейткіш және кеңейткіш қоспалардың
әсерін бағалау бойынша зерттеу жүргізілді;
– ГОСТ 34532-2019 «Тампонажды
цемент. Сынау әдістері» талаптарына сәйкес ИП-100 престеп сынау машинасы жетілдірілді.